Në vitin 2020, diaspora kosovare krahas ndihmës për familjet në Kosovë, kreu edhe investime milionëshe në sektorin e patundshmërive, duke ndikuar në rritjen e investimeve të huaja direkte.
Prej 250.6 milionë euro sa ishin investimet e huaja nga janari deri në shtator 2020, 52.4 milionë euro ishin investime në patundshmëri, kryesisht nga diapora.
“Në kuadër të llogarisë financiare, IHD-të në Kosovë arritën vlerën prej 250.6 milionë euro deri nё shtator 2020, që janë për 15.8 përqind më të larta krahasuar me periudhën e njëjtë të vitit 2019. Rritje e niveli tё IHD-ve ёshtё shёnuar nё TM1 dhe TM2 ndёrsa nё TM3 2020 ёshtё shёnuar nivel mё i ulёt i IHD-ve prej 27.0 pёrqind krahasuar me TM3 2019”, thuhet në raportin e BQK-së “Vlerësimi Tremujor i Zhvillimeve Makroekonomike”.
Nga 77.1 milionё euro, sa ishte niveli i investimeve të huaja nё tremujorin e tretë 2020, 70.2 milionё euro ishin nё formё tё kapitalit dhe fondit tё investimeve në aksione, ndërsa 6.9 milionё euro në formë të instrumenteve të borxhit.
Rritja e investimeve të huaja nё tremujorin e tretë 2020 u evidentua tek sektori i shërbimeve financiare, sektori i ndёrtimtarisё dhe ai i tregtisё, ndërsa sektorёt tjerё shёnuan rёnie. Vetёm nё sektorin e patundshmërive niveli i IHD-ve ishte 52.4 milionё euro, apo 32.9 pёrqind mё pak krahasuar me TM3 2020.
“Sa i përket origjinës së IHD-ve, Gjermania paraqet vendin prej nga kanë ardhur më së shumti IHD në TM3 2020 (24.9 milionë euro), pasuar nga Zvicra (16.6 milionë euro), SHBA (9.4 milionë euro), Turqia (8.6 milionë euro), etj”, thuhet në raport. /Buletini Ekonomik/
