Qeveria e Kosovës në mbledhjen e sotme, ka miratuar Projektligjin për Verifikimin dhe Konfiskimin e Pasurisë së Pajustifikueshme për zyrtarët shtetëror.
Nga miratimi i këtij projektligji, parashihet themelimi i një byroje, që do të funksionojë si mekanizëm i pavarur dhe i cili do t’i përgjigjet direkt Kuvendit të Kosovës, përcjell Buletini Ekonomik.
Ministrja e Drejtësisë, Albulena Haxhiu, ka thënë se është me interes shoqëror që sistemit juridik t’i shtohet edhe byroja për verifikim dhe konfiskim të pasurisë së pajustifikueshme.
Sipas saj, nëse byroja vlerëson se një zyrtar ka pasuri që s’mund ta justifikojë, atëherë byroja i kërkon gjykatës konfiskimin e pasurisë së zyrtarit përkatës. /Buletini Ekonomik/