Ministri i Financave, Punës dhe Transfereve, Hekuran Murati njofton se më 15 shtator përfundon afati për të aplikuar për masën 3.4 që parasheh mbështetjen për kuzhinat popullore, e paraparë në kuadër të Pakos së Ringjalljes Ekonomike nga pandemia COVID-19.
Murati fton të gjithë entitetet që ofrojnë shërbime të kuzhinës popullore të aplikojnë për këtë masë, përcjell Telegrafi.null
“Ka mbetur edhe deri nesër afat për kuzhinat popullore/humanitare që të aplikojnë për mbështetje në kuadër të masës 3.4. Nëse jeni organizatë/entitet që ofroni shërbime të kuzhinës popullore (keni qenë duke operuar para datës 1 korrik 2021), atëherë ju mund të përfitoni nga Masa 3.4, që mbështetë financiarisht kuzhinat popullore në blerjen e ushqimit. Të gjitha organizatat jo qeveritare dhe entitetet e interesuara që ofrojnë shërbime të kuzhinave popullore mund të aplikojnë deri më 15 shtator”, ka njoftuar Murati.
