Nafta, në nivelin më të lartë që nga 2018

0
25

Nafta po tregtohet e qëndrueshme në sesionin e sotëm, ndërsa një mbështetje po e gjen nga të dhënat e publikuara në SHBA, që treguan një rënie më të madhe se parashikimet të rezervave gjatë javës së kaluar.

Edhe dyshimet për rikthimin e marrëveshjes bërthamore mes fuqive të mëdha dhe Iranit po mbështesin çmimet. Nafta Brent e Londrës po tregtohet në rreth 75 dollarë për fuçi, ndërsa nafta Bruto amerikane po tregtohet në rreth 73 dollarë për fuçi.

Të dy bençmarkët po qëndrojnë në nivelin më të lartë që nga tetori i vitit 2018. Referuar të dhënave në SHBA, rezervat e naftës bruto ranë me 7.6 milionë fuçi gjatë javës që u mbyll më 18 qershor, në totalin e 459.1 milionë fuçive, niveli më i ulët që nga marsi i vitit 2020.

Reklama e sponzorizuar

Analistët parashikonin një rënie me 3.9 milionë fuçi. Gjithashtu, edhe rezervat e benzinës ranë me 2.9 milionë fuçi, kundrejt parashikimeve për një rënie prej 833 mijë fuçi. ndërkohë, OPEC dhe aleatët e tjerë, që ndryshe njihen si OPEC+, do të takohen më 1 korrik për të diskutuar një rritje tjetër të kuotave të prodhimit, duke filluar nga muaji gusht.

Të dy bençmarkët kryesorë kanë fituar rreth 45% të vlerës gjatë këtij viti, ndërsa analistët parashikojnë se Brenti i Londrës mund të arrijë deri në 100 dollarë për fuçi, që do të jetë niveli më i lartë që nga viti 2014./SCAN TV/