Organizata e Vendeve Eksportuese të Naftës (OPEC) dhe aleatët e saj pritet të diskutojnë rritjen e prodhimit të naftës për të përmbushur rritjen e kërkesës botërore të furnizimit.
Grupi OPEC+ ka shkurtuar prodhimin për të forcuar çmimet botërore të naftës, pasi pandemia COVID-19 rrëzoi kërkesën në vitin 2020.
Çmimet botërore të naftës bruto u rritën mbi 75 dollarë për fuçi për herë të parë në më shumë se dy vjet, pasi ekonomitë e mëdha po rifillojnë të hapen gradualisht pas një viti pauze për shkak të pandemisë.
OPEC dhe aleatët e tij thuhet se janë në proces për rikthimin në treg të rreth dy milion fuçive në ditë. Sidoqoftë, më shumë zbutje e frenave të prodhimit është e nevojshme mes rritjes së çmimeve.
Më herët këtë muaj, Agjencia Ndërkombëtare e Energjisë (IEA) i bëri thirrje grupit dhe aleatëve të tij “të hapin çezmat për të mbajtur tregjet botërore të naftës të furnizuar në mënyrë adekuate”.
