Me një grumbull qindarkash paguhet punëtori pasi la punën

Një burrë nga Georgia ka thënë se ish-punëdhënësi i tij i ka pasur borxh 915 dollarë, pasi kishte lënë punën në nëntor.

Andreas Flaten është befasuar kur ka parë se paga e fundit e tij i kishte arritur në adresë në formë qindarkash, saktësisht 90,000 qindarka. Në krye të grumbullit të tyre ishte një zarf me një mesazh ndërprerje pune.

“Kjo është gjë shumë fëmijërore”, ka thënë Flaten, transmeton AP.

Reklama e sponzorizuar

Në mes të muajit mars, Flateni po dilte nga shtëpia e tij me të dashurën kur vërejti grumbullin me qindarka. Ai ka thënë se ato ishin të mbuluara me një lloj substance vaji.

Tani, rutina e tij gjatë natës është pastrimi i qindarkave ashtu që më pas të mund t’i kthejë në para në vlera të mëdha. Ai ka thënë se i merr rreth një orë e gjysmë që të pastrojë disa qindra prej tyre.