Borxhi publik i Kosovës ka arritur në 1.5 miliardë euro bën të ditur Banka Qendrore e Kosovës (BQK). Shifra prej 1.5 miliardë eurove e këtij borxhi gjatë tremujorit të fundit të 2020-s është rritur për 23.9 përqind krahasuar me TM4 të 2019-s, kur pandemia ende s’kishte arritur në Kosovë.
Ndërkohë si përqindje e Bruto Prodhimit Vendor (BPV), borxhi publik ka arritur në 21.8 përqind nga 17.5 përqind sa ishte në TM4 2019, përcjell Buletini Ekonomik.
Bazuar në vlerësimet e ASK-sё, BPV-ja reale deri në shtator tё vitit 2020 kishte shënuar rënie prej -5.6 përqind. Me rёnie ishin karakterizuar edhe investimet dhe eksportet neto në vend ndërsa konsumi kishte shënuar rritje.
Në bazë të raportit më të fundit të Bankës Qendrore të Kosovës, rreth “Vlerësimit Tremujor të Sistemit Financiar, Tremujori IV/2020”, TM4 i 2020-s vlerёsohet se ka shёnuar rёnie tё ngadalёsuar krahasuar me tremujorёt paraprak. BQK-ja këto vlerësime i mbështet nё rritjen e eksportit tё mallrave dhe shërbimeve në periudhën raportuese, rritjen e konsumit publik, si dhe rritjen e remitencave, etj.
Nё anёn tjetёr, investimet publike, qarkullimi i bizneseve, kreditё e reja investuese gjithashtu kishin shёnuar rёnie tё konsiderueshme. Kështu çmimet e konsumit shënuan rёnie prej -0.1 përqind nё TM4 2020, kryesisht si pasojë e rënies së çmimeve të transportit, veshmbathjes, rekreacionit, dhe orendive shtёpiake.
Sipas të dhënave të BQK-së, rritje tё ngadalёsuar tё çmimeve kishin shёnuar edhe çmimet e ushqimit dhe pijeve joalkoolike, duke bёrё qё deflacioni bazё tё ishte 0.8 pёrqind.
Por zbutja e efekteve negative nё ekonomi nga pandemia Covid-19, BQK-ja i vlerëson si të mira dhe se kanë ndikuar nё pёrmirёsimin e performancёs sё tё hyrave buxhetore krahasuar me tremujorёt paraprak. Të hyrat buxhetore nё TM4 2020 shёnuan rёnie prej -0.6 përqind, krahasuar me -13.5 pёrqind nё TM3 po të atij viti, ndёrsa shpenzimet buxhetore shёnuan rritje prej 8.6 përqind.
Rrjedhimisht, buxheti i Kosovës regjistroi deficit primar buxhetor prej 280.5 milionë eurove.
Edhe tregu i jashtëm, sipas raportit thuhet se është karakterizuar me zvogёlim tё deficit të llogarisë rrjedhëse prej 56.8 pёrqind nё TM4 2020. Bilanci pozitiv i shёrbimeve si dhe tё ardhurat parёsore dhe dytёsore kishin shёnuar rritje tё konsiderueshme, ndёrsa deficiti i mallrave ishte pёrmirёsuar.
Deficiti tregtar i mallrave gjatë asaj periudhe ishte 836.2 milionё euro apo 2.0 pёrqind mё i ulёt krahasuar me TM4 2019.
“Kjo rёnie e deficitit të mallrave i atribuohet kryesisht rritjes së konsiderueshme tё eksportit ndёrkohё qё edhe importi i mallrave shёnoi rritje por jo nё masёn e eksportit”, theksohet në raportin e BQK-së.
Rritje prej 26.3 përqind kishin shënuar edhe remitencat nga diaspora gjatë tremujorit të fundit të 2020-s, përfundojnë nga BQK-ja. /Buletini Ekonomik/