515 qytetarë gjobiten për mosrespektim të masave anti-COVID

Sheshi
Sheshi "Nëna Terezë" Prishtinë

Policia e Kosovës ka njoftuar të enjten se në 24 orët e fundit janë shqiptuar 515 gjoba për mosrespektim të masave anti-COVID.

Një ditë më herët, sipas raportit policor, janë shqiptuar 455 gjoba.

Në të vërtetë, javëve të fundit ka pasur shumë kritika për partitë politike që kanë organizuar tubime në masë, duke shkelur rregullat për parandalimin e COVID-19.

Reklama e sponzorizuar

Sipas rregullave në fuqi, nuk lejohet tubimi i më shumë se 30 personave në hapësira të mbyllura, ndërkohë që në tubime po marrin pjesë qindra veta.

Po ashtu, ka pasur kritika se inspektoratet komunale nuk po i gjobisin partitë për këto organizime, me përjashtim të Prishtinës dhe të ndonjë rasti tjetër.