AKB-ja kërkon nga deputetët miratimin e buxhetit

Aleanca Kosovare e Biznesit u ka bërë thirrje të gjithë deputetëve të Kuvendit të Kosovës ta votojnë buxhetin e vitit 2021. Pasi, sipas AKB-ës kjo gjë do të jetë në të mirë të ekonomisë dhe qytetarëve të vendit.

“AKB ju kërkon të gjithë deputetëve të Parlamentit të Kosovës se sot të votohet buxheti në të mirë të ekonomisë së Kosovës dhe vetë qytetarëve të saj”, thuhet në komunikatë e tyre.

Sipas AKB-së zgjedhjet do të mbahen brenda disa javëve, formimi i qeverisë nuk dihet saktë kur do të ndodh, prandaj është i rëndësishëm votimi i buxhetit. Deputetë këtë gjë e kanë obligim moral e politik e kushtetues deputetët.

Reklama e sponzorizuar

“Zgjedhjet tash më po dihen se do të ndodhin brenda disa javëve apo muajit, por formimi i qeverisë së re nuk dihet sepse kjo mund të zgjatë me muaj të tërë pavarësisht fituesit të zgjedhjeve, prandaj miratimi i buxhetit është obligim moral politik e kushtetues”, thuhet në komunikatë.

Kuvendi i Kosovës, të hënën do mbajë seancë të jashtëzakonshme ku në rend dite do të jetë miratimi i buxhetit për vitin 2021.

Thirrje për miratim të buxhetit ka pasur edhe nga përfaqësues të odave ekonomike.