Ministrja e Financave, Hykmete Bajrami, përmes një postimi në Facebook ka njoftuar se mbi 24 mijë familje gjatë ditës së sotme do të marrin dyfishin e asistencës sociale.
“Me kërkesë të Ministrisë së Punës dhe Mirëqenies Sociale, sot Ministria e Financave ka proceduar pagesën për përfituesit e asistencës sociale për muajin tetor. Sipas vendimit të Qeverisë nr.10/33 të datës 28.09.2020 familjet në asistencë sociale marrin dyfishin e asistencës për tetor, nëntor dhe dhjetor. Nga kjo masë përfituan 24,791 familje. Mjetet dalin nesër gjatë ditës”, ka shkruar Bajrami.
Ajo ka shtuar se edhe realizimi i kësaj mase u bë i mundshëm falë të gjithë atyre që paguajnë tatime e taksa.