ZRRE-ja nuk ia vazhdon lejen kompanisë KELKOS

Zyra e Rregullatorit të Energjisë mbajti mbledhjen e saj pa lejuar mediat të hyjnë brenda. Në rend dite ishte “licencimi i ndërmarrjes KELKOS” në veprimtarinë e prodhimit të energjisë në Bjeshkën e Deçanit.

Kallxo.com raporton se ZRRE-ja nuk ia ka vazhduar lejen kompanisë.

Zyra e Rregullatorit të Energjisë ka ndaluar prodhimin e energjisë nga kompania KELKOS në tri hidrocentrale në grykën e Deçanit.

Reklama e sponzorizuar

Drejtori i ZRRE-së Petrit Pepaj ka thënë se kjo ndalesë do të mbetet deri në rilicensimin e kompanive. Vendimi është marrë në ditën kur kësaj kompanie i ka skaduar licenca për prodhim të enegjisë. Gjithashtu në këtë mbledhje është vendosur shkyçja nga operimi i kompanisë KELKOS e cila deri tash ishte duke zhvilluar punimet.