Nuk mjafton vetëm strategjia juaj financiare për të bërë më shumë para sesa shpenzoni. Nuk ka rëndësi se sa njohuri financiare keni. Ka gjithmonë një dollar më shumë për të kursyer, ose një tjetër që mund të fitoni. Pavarësisht nga gjendja e dobët aktuale, strategjitë e duhura të financave mund t’ju ndihmojnë ta përmirësoni atë.
Edhe nëse jeni një guru i financave, mund t’i keni anashkaluar këto shtatë strategji financiare:
1.Blini me shumicë
Pse një dyqan është më i lirë se shitësit e tjerë të mëdhenj?! Sepse klientët e tij blejnë me shumicë. E njëjta gjë është e vërtetë në biznes: Furnizuesit japin ulje për porosi më të mëdha ose me shumicë.
2.Delego gjithçka jashtë specialitetit tënd
Nëse keni një dyqan për software, pse duhet të merreni me menaxhimin e llogarive të klientëve kur mund ta nënkontraktoni atë. Kontraktimi i punës jashtë kompanisë kushton, por është një strategji e zgjuar financiare, pasi kurseni kohën e investuar duke u përfshirë në pengesat e funksioneve të panjohura.
Puna outsorce mund të duket si një lojë bixhozi. Por për shkak se nuk duhet të mbuloni taksat e pagave, pensionet, ditët e sëmundjes, sigurimin shëndetësor ose pushimin e paguar për punëtorët me kontratë, është një mënyrë e shkëlqyer për të kursyer para. Krahasuar me një anëtar të ekipit me kohë të plotë, punësimi i një kontraktuesi të pavarur mund të ulë kostot e punës deri në 30% (deri në 40% në Shqipëri). Kontraktimi i jashtëm është një ide veçanërisht e mirë për nevojat e njëhershme, si krijimi i një web, logo e re etj.
3.Automatizoni kontabilitetin tuaj.
Strategjitë financiare duhet të vendosen nga njerëzit, por ato ndonjëherë kryhen më së miri nga pajisjet. Softueri i kontabilitetit ofron të gjitha llojet e automatizmave të kursimit të parave.
Sipas Intuit, Quickbooks i kursen përdoruesit mesatarisht 42 orë në muaj. Duke kategorizuar në mënyrë autonome shpenzimet, duke ndjekur faturat, duke identifikuar zbritjet e taksave, duke gjeneruar raporte etj. Automatizimi i mbajtjes së llogarive mund të jape efekt të dukshëm në një ekip të vogël.
4.Planifikoni për vazhdimësinë e biznesit
Asnjë plan biznesi nuk do të vlejë në një krizë – kjo është arsyeja pse quhet krizë. Pandemia COVID-19 është një shembull i përsosur: Sipërmarrësit nuk mund të kishin parashikuar që një virus i vogël do të largonte miliona kompani nga biznesi.
Në kohëra si kjo, planifikimi i vazhdimësisë së biznesit është një strategji kryesore e financave. Mund të duhet kohë, por imagjinoni sa dhimbje koke mund t’ju shpëtojë.
Përsëri, kthehuni te softueri. Aplikimet BCT mund të gjenerojnë raporte, të ofrojnë lista kontrolli të pajtueshmërisë dhe të sugjerojnë shërbime që mund t’ju duhen, si sigurimi nga përmbytja.
5.Përqafoni punën në distancë për një kohë të gjatë
Me krizën COVID-19, biznesi juaj mund të ketë kaluar tek puna në distancë. Po pse ta bëjmë të përkohshëm? E keni menduar ta bëni atë një zgjidhje përfundimtare?
Mendoni për këtë: Kur një punonjës punon në distancë, ata nuk kërkojnë hapësirë për zyre, një tavolinë, një vend parkimi etj. Edhe nëse vetëm një pjesë e ekipit tuaj vendos të largohet përgjithmonë, ju mund të jeni në gjendje të zvogëloni dhe të keni një më të lirë. Bëjeni këtë për të gjithë ekipin dhe mund të shkurtoni apo edhe të eliminoni në mënyrë drastike faturat e shërbimeve dhe shpenzimet e mirëmbajtjes.
Kjo strategji financiare nuk kursen vetëm para. Puna në distancë është një përfitim i dëshirueshëm; duke e ofruar atë përgjithmonë mund t’ju ndihmojë të kapni talentin kryesor me çmime më të ulëta dhe të zvogëloni nivelin e qarkullimit të ekipit tuaj.
- Përfitoni plotësisht nga cloud.
Shanset janë që tashmë po përdorni disa softuerë të vendosur në cloud. Por nëse hidhni një sy në të gjithë ekosistemin tuaj teknologjik, ndoshta mund të bëni më shumë.
Filloni duke parazgjedhur tek aplikacionet SaaS. Blerja e softuerit tuaj mund të jetë i shtrenjtë: Adobe Suite kushtoi qindra dollarë para se të dilte SaaS; tani është 52,99 dollarë në muaj. Për shkak se është një shërbim, programet SaaS gjithashtu kanë tendencë të ofrojnë një mbështetje më të mirë për klientët.
Mendoni, gjithashtu për harduerin. Nëse operoni me serverat tuaj në vend po paguani për administrimin e serverit, energjinë elektrike, riparimet dhe më shumë. Zgjedhja më e mirë është një ofertë e IaaS ose PaaS, të tilla si Microsoft Azure ose Heroku.
- Ndryshoni shpenzimin për marketing
Stendat, reklamat në radio dhe postimet email mund të kushtojnë mijëra dollarë në muaj. Kur faktorizohen kostot e punës, emaili dhe marketingu i mediave sociale nuk janë falas – por ato nuk janë askund aq të shtrenjta sa taktikat tradicionale të marketingut.
Nëse nuk jeni i sigurt, provojeni. Vetëm për një muaj, ridrejto buxhetin e reklamave të tua në radio te reklamat e kërkuara me pagesë. Nëse nuk shihni rezultate, gjithmonë mund ta anuloni fushatën dhe të provoni diçka tjetër. Kërkojini praktikantit tuaj të ardhshëm për të bërë mediat sociale fokusin e tij kryesor dhe shikoni se çfarë ndodh me kanalin tuaj kryesor të komunikimit.
Nuk ka një strategji financiare për të gjithë. Ju mund të zbuloni se punësimi i punonjësve tradicionalë, me kohë të plotë, vlen për një cilësi më të lartë të punës. Puna në distancë mund të mos jetë e mundur përgjithmonë në linjën tuaj të biznesit.
E vërteta është se nuk do ta dini derisa të provoni. Provojini këto 7 strategji financiare dhe hidhni një vështrim prapa në ecurinë tuaj të disa muajve më parë.
Linkedin, John Rampton. Ai është sipërmarrës, investitor dhe mbështetës i startup-eve. Ai është themelues i një instrumenti produktiviteti Calendar.
