Prishtina pranon aparaturat e reja, pritet të ketë mbi 400 testime në ditë

0
58

Kryetari i Prishtinës, Shpend Ahmeti, ka bërë të ditur se kanë pranuar makineritë e apra si dhe testet serologjike për Covid-19 në komunën që ai drejton. Ai thotë se sot janë testuar 60 personat e parë, ndërsa shton se brenda dy javëve do të ketë mbi 400 testime në ditë.

Ahmeti po ashtu bën të ditur se, përmes hulumtimit, do të dihet përqindja e saktë e të infektuarve.

“Dje kemi pranuat edhe maqinat e para si edhe testet serologjike për COVID në Komunën tonë. Sot kemi testuar edhe 60 personat e parë por në ditët e para jemi në procesin e kalibrimit dhe testimit të aparateve dhe metodologjisë.”, thotë ai. 

Reklama e sponzorizuar

“Nga e hëna do të fillojmë edhe me testim të qytetarëve, duke prioritizuar grupet e rrezikuara me simptome. Momentalisht jemi me kapacitet rreth 100 teste në ditë e brenda dy javësh do jemi me kapacitet rreth 400 në ditë.” 

Këto janë synimet e komunës së Prishtinës në menaxhimin e pandemisë, sipas Ahmetit:

Synimi primar në fillim është

1. Përmes hulumtimit me 1000 persona në Prishtinë ta dijmë saktë përqindjen e atyre që e kanë pasur virusin.

2. Me një mostër të personave që kanë rezultuar pozitiv në Prishtinë që nga Marsi (1600 total – mostra rreth 600 të kuptojmë imunitetin, sa krijohet, te kush, dhe sa gjatë zgjat).

“Na prift e mbara në këtë kapitull të ri”

“P.s. Me decentralizim të testeve, shumë shpejtë shumica e laboratoreve private do ta kenë mundësinë e testimit serologjik dhe PCR.”, përfundon ai.