Ekonomia e Spanjës ka filluar të rimëkëmbet pas ndikimit të rëndë të pandemisë së koronavirusit, tha ministrja e Ekonomisë, Nadia Calvino, duke nënvizuar si një tregues pozitiv rritjen e punësimit.
1 milion puntorë me leje tani po punojnë përsëri, ndërsa 300 mijë puntorë të rinj janë regjistruar te sigurimet shoqërore.
“Faza e rimëkëmbjes tashmë ka filluar”.
Ndërsa ekonomia spanjolle po shkon drejt tkurrjes më të keqe rekord në vitin 2020, deri në 11.6 për qind, Banka e Spanjës parashikon që rimëkëmbja do të fillojë në gjysmën e dytë të këtij viti, me PBB-në që mund të kërcejë përsëri dhe të rritet nga 7,7 deri në 9,1 për qind vitin e ardhshëm.
Banka priste që ekonomia të binte në fund në tremujorit të dytë me një rënie prej rreth 22 për qind, por rimëkëmbja në vendin e varur nga turistët duhet të jetë pak më e fortë se mesatarja e Eurozonës.
Treguesit e hershëm, siç janë shërbimet spanjolle dhe PMI-të e fabrikës, treguan se bizneset pjesërisht rifilluan aktivitetin në maj pas zhytjes në prill.
Spanja po del nga një bllokim tremujor, ku virusi shkaktoi një nga numrat më të lartë të vdekjeve në botë./Reuters
