Ahmeti paralajmëron masa për reduktimin e veturave në kryeqytet

Kryetari i Prishtinës, Shpend Ahmeti, ka paralajmëruar se Komuna e Prishtinës do të marrë një varg masash për të reduktuar numrin e veturave prej pagesave e madje edhe mbylljen e disa rrugëve.

Këtë e ka bërë pasi gjatë kohës kur Prishtina ishte në karantinë, në kryeqytet u pa një numër i vogël i qarkullimit me vetura çka edhe u mirëprit nga qytetarët e autoritetet.

“Dallim i madh Prishtina me shumë kerre dhe Prishtina me pak kerre. Pas pandemisë, si komunë do të kemi një varg masash për të reduktuar numrin e makinave prej pagesave për qendër, parkingjeve më të shtrenjta deri te mbyllja e rrugëve të caktuara në vikende, si dhe mbyllja e përhershme e disa rrugëve. Do të investojmë edhe më shumë në transport publik, ciklizëm dhe gjelbërim. S’ka rrugë tjetër për ne. Jemi qytet shumë i bukur për tu shkatërruar nga kerret. #rriNshpi”, ka njoftuar Ahmeti.

Reklama e sponzorizuar