Kurti diskuton me Heldtin për rimëkëmbjen sociale e ekonomike

Sot, në zyrën e tij, kryeministri në detyrë Albin Kurti takoi ambasadorin e Gjermanisë në Kosovë, Christian Heldt.

Siç njofton kumtesa nga kryeministria, në takimin e sotëm u diskutua për rimëkëmbjen e shoqërisë pas fitores ndaj pandemisë, rimëkëmbje sociale e ekonomike.

“Qeveria e Kosovës falënderon ambasadorin Heldt dhe shtetin gjerman për marrëdhëniet bilaterale, projektet e përbashkëta, ndihmën dhe përkrahjen e vazhdueshme që na e kanë dhënë dhe po vazhdojnë të na e japin. Prezencën e tyre e shohim nëpërmjet KWF-së dhe GIZ-it gjerman”, thuhet në kumtesën nga kryeministria.

Reklama e sponzorizuar

Tutje, theksohet se të dyja këto institucione kanë qenë përherë afër vendit tonë nëpërmjet forcimit të sundimit të ligjit dhe mbështetjes financiare.