Thaçi me fyerje të rënda ndaj Kurtit, e quan “anti-amerikan” të moçëm

Presidenti i Kosovës, Hashim Thaçi, ka hedhur fyerje shumë të rënda ndaj kryeministrit Albin Kurti.

Përmes një postimi në Facebook, Thaçi Kurtin e quan “gënjeshtar”, “frikacak”, “djallëzor”, “përçarës”, “përqeshës”, të “pa guximshëm” e të “padinjitet”.

Presidenti thotë më tej se kryeministri i Kosovës “po angazhohet për shkatërrimin e aleancave historike” dhe shton se deklarimet e tij për “marrëveshje sekrete Kosovë-Serbi” janë “fyese dhe e rrezikshme për raportin e Kosovës me SHBA-në”.

Reklama e sponzorizuar

Madje, Thaçi thotë se Kurti, qëndrimin “KUNDËR” SHBA-së, “e ka mbjellë në kohën e Konferencës së Rambujesë”. Thotë se ai ishte “kundër administratës Clinton”, “edhe në Vjenë, kundër administratës Bush”, “edhe me demarkacionin me Malin e Zi kundër administratës Obama-Biden”.

“Edhe tash kur ofrohet një mundësi nga administrata e Presidentit Trump për njohje reciproke, Kurti përsëri kundër. E vetmja konstante e Kurtit është të qenit në anën e kundërt të Amerikës. Në anën e kundërt të historisë”, deklaroi Thaçi.

Më poshtë lexojeni të plotë postimin e presidentit Thaçi:

PËRPËLITJET E KURTIT

I frustruar, vazhdon gënjeshtrat dhe mashtrimet.

Frikacak dhe djallëzor, po përçan politikën dhe institucionet e Kosovës.

Përqesh dhe saboton shtetin.

Nuk ka guxim as ta heq taksën, as të vërë reciprocitetin.

I padinjitet.

Po angazhohet për shkatërrimin e aleancave historike.

Me paranojë flet për marrëveshje sekrete Kosovë-Serbi.

Qesharake për Kosovën.

Fyese dhe e rrezikshme për raportin e Kosovës me SHBA-në.

Rikujtoj:

Këtë qëndrim KUNDËR, Kurti e ka mbjellë në kohën e Konferencës së Rambujesë.

Ishte kundër administratës Klinton.

Edhe në Vjenë, kundër administratës Bush.

Edhe me demarkacionin me Malin e Zi kundër administratës Obama-Biden.

Edhe tash kur ofrohet një mundësi nga administrata e Presidentit Trump për njohje reciproke, Kurti përsëri kundër.

E vetmja konstante e Kurtit është të qenit në anën e kundërt të Amerikës.

Në anën e kundërt të historisë.

Populli i Kosovës ka besim në Shtetet e Bashkuara të Amerikës.

Aleanca me SHBA-në është e shenjtë.

Ne të gjithë e kemi për detyrë ta mbrojmë. HTH