Hoxhaj: Lajçak, zgjedhje e mirë për emisar të BE-së për dialogun

Ish-ministri i jashtëm i Kosovës, Enver Hoxhaj, përmes një shkrimi në Twitter ka thënë se kryediplomati sllovak Miroslav Lajçak është një zgjedhje e mirë si emisar i BE-së për dialogun Kosovës-Serbi.

Ish-ministri i jashtëm, tani deputet i PDK-së, Enver Hoxhaj, ka thënë se emërimi mundshëm i Miroslav Lajçak, si Përfaqësues i BE-së në dialogun Kosovë-Serbi, është zgjedhje e mirë.

Sipas Hoxhaj, Lajçak ka mbështetur Kosovën dhe Ballkanin për dekada dhe ka një njohuri të jashtëzakonshme për secilin vend të rajonit.

Reklama e sponzorizuar

“Mirëpres emërimin potencial të Lajçak si përfaqësues Special i BE’së për dialogun Kosovë-Serbi dhe për Ballkanin Perëndimor. Ai ka mbështetur Kosovën dhe Ballkanin për dekada dhe ka njohuri të shkëlqyera për secilin shtet dhe rajonin. Ai është një zgjedhje e mirë për BE’në dhe Ballkanin Perëndimor”, shkruan Hoxhaj.