Policia thotë se kanë ndërmarrë të gjitha veprimet për protestën para BQK-së

Policia e Kosovës ka njoftuar se ka marrë të gjitha masat për protestën e cila do të mbahet më 22 nëntor pranë objektit të BQK-së.

Ata përmes një njoftimi për media thonë se janë të njoftuar zyrtarisht për organizimin e protestës, derisa shtojnë se kanë ndërmarrë veprimet e duhura për të mundësuar rrjedhën normale të protestës.

“Jemi te njoftuar zyrtarisht për organizmin e një proteste e cila do të mbahet para Bankës Qendrore të Kosovës. Policia ka ndërmarrë të gjitha veprimet e duhura për të mundësuar rrjedhën normale të protestës”, thuhet në njoftim.

Reklama e sponzorizuar

Kujtojmë se protesta do të mbahet për të kundërshtuar vendimin e Bankës Qendrore të Kosovës për rritjen e çmimit për sigurimin e veturave.

Njëra protestë është paralajmëruar më 22 nëntor nga një grup në Facebook “Merakli të kerreve”, ndërkaq protesta tjetër është paralajmëruar për datën 23 nga “Speedomaniaks”.